Der sinn des Lebens

Was isch dr sinn vom läbe ussert ufgabe mache, probe schribe und ässe?

fast fuuuud !

Vo wägä fastfoood...
I ha grad mini wucheplatzsteu im McDonald's becho!!!!!!!!!!!!!!!!!!!!!
es isch zwar no nid 120%ig aber dr burgermaketescht hani bestange u cha its no drü mau go üebe u när wirde zumenem wahre burgermaker ernannt

uuiiiihaaaa

gruess dimi

de gratulieri dir doch grad zu dire (villich) nöiie steu!!!
gäu drum hesch gfragt, wänn das d'büss für i d'ikea fahre??

merciii merciii!
ja, das hesch du sehr guet beobachtet bisch auso sehr es schlaus meideli

hüt isch eifach ä bündige tag!

dasch doch villech dr sinn vom läbe. settegi täg z gniesse d fröid z teile u müglechsch viu bündegi täg ahzsträbe när no mängisch spände oder schüsch guets zügs mache und eifach schüsch d liebi ir wäut desumeverbreite

sehr guet, de chasch nis
de mit börger beliefere...
u chönntsch äch de usspioniere,
wie si die feinneee feinee feinne
chikken naagets machn'??
lg äänii

ja, hüt isch scho ä kuule tag!! (nume bis am 3 schueu gha! ) isch nume chli schad, dass äs rägnet... süsch wär är no besser!

ig stimme dir völlig zue, was dr sinn vom läbe sötti si!

das hesch du sehr philosophisch beschribe...momou...gfaut mir sehr guet...

warum diskutiert me überä sinn vom läbä? eifach mau läbä, de passierä eim so sachä wi dass eim ä schrubä us dr sitäschürzä keit wome när uf dr schtrass cha go suechä...

sichr ä sinn drvo isch ds bier suufä

si miir ppp-klass oder drussisch-u-no-chli-änglisch-klass?
i schliesse mi totau ar meinig vom thomy m. aaaa.
i gloube zwar de sinn vom läbe isch franzbuech läse...jedefaus verbringi im momänt gloub für das am meischte zit......oder äch doch ender fürs schlaafe???
lol

was söu de das heisse? russisch-u-no-chli-änglisch-klass? no chli?? we dir das entgange isch si de mir (änglisch-klass) ir überzau...

vilich vo de persone här. aber vom IQ här isch d summe vo de russischschüeler klar höcher!!!

jaja...wärs gloubt!! bisch villich nume nüme ganz zuerächnigsfähig gsi wo de das hesch gschribe... ->

So its tüet nid so böös gägenang! Heit ja eh beidi ke chance gäge mi!

@ Änni:

Auso hüt bini z erschte mau so richtig go burger u chicken mache... u ds änni wett ja wüsse wie dass me die feine chicken nuggets macht..

auuuuso... d houptsach isch afang mau dass das züüg gaaanz früsch isch. Zu däm Zwäck isch unger jedem McDodald's reastaurant ä riiise künschtlechi wise ufbout uf dere chicken züchtet wärde. S wird dert dr ganz tag ferie musik abzla für die chicken glücklech z mache u dankem tanze fit z bhaute. das macht dr gschmack so einzigartig. Sie konsumiere natürlech jede tag speed dermit si schneuer wachse u sech erfougriicher tüe vermehre. Aus nächschti faase chunnt ds schnäue köpfe u die sofortegi umwandlig zude chline stückli wo me aus chicken nuggets kennt. Die angere chicken merke das gar nid wöu si unger ständigem ihfluss vo LSD stöh u d wäut vouer blüemli gseh. När wird ds ganze fritiert und ahgäblech wird wärendäm fritiere ä spezieue stoff derzuegä wo de konsumänte ire gschmackssinn tuet irritiere und vode nuggets abhängig macht. Es isch zwar aus nume spekulation und McDonalds strittet das wyterhin ab aber luttem grücht nennt sech dä stoff "Mcjoy"... so sorry aber its bini grad ä chli z müed um dir dr räschte vo däm mysteriose ChiggenNuggets phänomän wyter z verzeue. I tue mini usspiionierig fliisig fortsetze u dir genaui informazione nachlifere... Vile dank fürds interässe u ds vertroue... McDOnald's - I'm lovin' it!
Müest gar nid ufe gedanke cho dass dä biitrag schliichwärbig chönnt si... Wünsche aune no ä schöni nacht! Dermit meini Di, Euch, d Chickens und sogar mi(nei i bi nid schizophren)... Good night

lg dimi

Geht zu BURGER KING - viel gesünder als McDonald's!

bim mc ishs ässe besser

jaaa das chasch luut säge!! besserxeit schribä!!!=P ... hehe dimi, isch ja vou coool wägm mäc!!!=D well done!! chasch mr de ruig mau es paar burgerlis füre znüni bringe!!! mmmmmmmh..... ajaa und wieme burger macht isch no ähnlech wieme chicken nuggets macht?? dfiicher la graas frässä und när schlachtä!!!:D jaja...